ការជ្រើសរើសប្រកបដោយក្រមសីលធម៌៖ ពីដំណាក់កាលដំបូងរហូតដល់ប្រទេសបញ្ជូន

វគ្គបណ្ដុះបណ្ដាលផ្ទាល់នេះណែនាំអំពីគោលគំនិតសំខាន់ៗ ក្រមខណ្ឌច្បាប់ និងគោលនយោបាយនានាពាក់ព័ន្ធនឹងការជ្រើសរើសប្រកបដោយក្រមសីលធម៌—ដែលជាទូរទៅស្គាល់ថាជាការជ្រើសរើសប្រកបដោយទំនួលខុសត្រូវ ឬការជ្រើសរើសដែលថ្លៃ-សេវារ៉ាប់រងដោយនិយោជក។ អ្នកនឹងអាចស្វែងយល់មិនត្រឹមតែបញ្ហាពាក់ព័ន្ធនឹងថ្លៃសេវា តែរួមបញ្ចូលទាំងរបៀបក្នុងការកាត់បន្ថយហានិភ័យអាជីវកម្ម ពង្រឹងប្រព័ន្ធនៃការជ្រើសរើស ផ្ទៀងផ្ទាត់បទពិសោធន៍របស់ពលករក្នុងដំណើរការជ្រើសរើស និងការគាំទ្រដល់សុខមាលភាពពលករតាមរយៈករណីសិក្សាជាក់ស្ដែង។ 

គោលបំណងក្នុងវគ្គបណ្ដុះបណ្ដាល៖

• ស្វែងយល់ពីបទប្បញ្ញាត្តិបច្ចុប្បន្នពាក់ព័ន្ធនឹងការជ្រើសរើស ជាពិសេសនៅក្នុងតំបន់អាស៊ី/អាស៊ីអាគ្នេយ៍ និងរវាងកម្ពុជា-ថៃ។

• យល់ដឹងអំពីហានិភ័យដែលអាចកើតឡើងក្នុងដំណើរការជ្រើសរើស

• រៀនសូត្រអំពីកម្មវិធី និងឧបករណ៍អនុវត្តមួយចំនួន ដើម្បីធានាបាននូវការជ្រើសរើសប្រកបដោយក្រមសីលធម៌

• ត្រៀមខ្លួនចំពោះតម្រូវការថ្មីក្នុងខ្សែសង្វាក់ផ្គត់ផ្គង់សកលអំពីការត្រួតពិនិត្យដ៏ត្រឹមត្រូវលើសិទ្ធិមនុស្ស។